Нүүр Танилцуулга Мэдээ, Мэдээлэл Зөвлөгөө Зургийн сан Видео Зурхай Сүм хийд Номын тус Хойд төрөл Төсөл Худалдаа
Нүүр « Мэдээ, Мэдээлэл
Тэнгэр төрөлтөн Буддагаас ийн асуув
 Тэнгэр төрөлтөн Буддагаас ийн асуув
 
          Нэгэн өдөр Төгс гэгээрэгчийг Жетавана дахь Анандапиндика цэцэрдэгт хүрээлэнд байх үед нь тэнгэрийн орны нэгэн төрөлтөн цав цагаан өмсгөлтэй гэгээрсэн Бярманы дүрээр хүрэлцэн иржээ.
 
Тэнгэр төрөлтөн ийн асуув:
 
Хамгийн хурц илд юу вэ?
Хамгийн хөнөөлт хор юу вэ?
Хамгийн илчит гал юу вэ?
Хамгийн харанхуй шөнө юу вэ? гэсэнд
 
Төгс гэгээрэгч ийн хариулав:
 
Хамгийн хурц илд нь уур хорслоор хэлсэн үг
Хамгийн хөнөөлт хор нь шунахай сэтгэл
Хамгийн их илчит гал нь үзэн ядалт
Хамгийн харанхуй шөнө нь мунхаглал
 
Тэнгэр төрөлтөн ийн асуув:
 
Хамгийн их олз ашиг юу вэ?
Хамгийн их гарз юу вэ?
Хамгийн бат бөх хуяг юу вэ?
Хамгийн шилдэг зэвсэг юу вэ? гэсэнд
 
Төгс гэгээрэгч ийн хариулав:
 
Хамгийн их олз ашиг нь бусдад өгөх
Хамгийн их гарз нь ачийг бодолгүй шунаг сэтгэлээр хүлээн авах
Хамгийн бат бөх хуяг нь тэвчээр хүлцэл
Хамгийн шилдэг зэвсэг нь билиг билгүүн
 
Тэнгэр төрөлтөн ийн асуув:
 
Хамгийн аюултай хулгайч хэн бэ?
Хамгийн үнэ цэнтэй эрдэнэ юу вэ?
Дээд тэнгэрийн орон, газар дэлхийг юу барьж авч чадах вэ?
Халдашгүй найдвартай хамгаалагдсан эрдэнэ мэт олз нь юу вэ? гэсэнд
 
Төгс гэгээрэгч ийн хариулав:
 
Хамгийн аюултай хулгайч нь эрүүл бус бодол
Хамгийн дээд эрдэнэ нь буян
Дээд тэнгэрийн орон хийгээд газар дэлхийг сэтгэлийн нүдээр барьж болно
Дахин төрөхөөс гэтлэх нь халдашгүй хамгаалагдсан эрдэнэ мэт олз
 
Тэнгэр төрөлтөн ийн асуув:
 
Гоо үзэсгэлэн гэж юу вэ?
Жигшил зэвүүцэл гэж юу вэ?
Хамгийн аймшигтай зовлон шаналал юу вэ?
Хамгийн дээд баяр таашаал юу вэ? гэсэнд
 
Төгс гэгээрэгч ийн хариулав:
 
Бүхэл бүтэн байдал бол гоо үзэсгэлэн
Эрүүл бус байдалд автах нь жигшил зэвүүцэл
Ичих эмээх сэтгэлгүй жудаггүй байх нь хамгийн их тарчлаа шаналгаа
Сэрж сэхээрэх нь дээдийн баяр жаргалан
 
Тэнгэр төрөлтөн ийн асуув:
 
Дэлхий ертөнцийг сөнөөх шалтгаан юу вэ?
Нөхөрлөлийг юу таслах вэ?
Хамгийн хүндээр халуурах нь юу вэ?
Хамгийн сайн эмч нь хэн бэ? гэсэнд
 
Төгс гэгээрэгч ийн хариулав:
 
Дэлхий ертөнцийн сөнөх нь мунхагаас шалтгаална
Амин хувиа хичээсэн үзэл, атаа жөтөө нь нөхөрлөлийг сүйтгэнэ
Үзэн ядалт нь хамгийн их халуурал
Хамгийн шилдэг эмч нь Төгс гэгээрсэн нэгэн
 
Тэнгэр төрөлтөн мөн л ийн асуув:
 
Одоо надад учрийг нь олж эргэлзээ тайлах нэг л зүйл үлдлээ
Галаар шатааж болдоггүй
Ус чийгээр зэврээж болдоггүй
Салхи шуургаар эвдэн нурааж болдоггүй
Гэвч бүх ертөнцийг гэгээрүүлэх чадалтай тэр юу вэ? хэмээсэнд
 
Төгс гэгээрэгч ийн хариулав:
 
Буян хишгийн адислал болно
Буянт сайн үйлсийн болоод
Хамаг ертөнцийг гэгээрүүлэх адистадыг
Гал, ус, салхи шуургийн нь ч устгаж чадахгүй
Уншсан: 1263
Сэтгэгдэл бичих
Уншигчдын бичсэн сэтгэгдэлд BUDDA.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэлтэй холбоотой санал гомдлыг 70111922 утсаар хүлээн авна.
Таны нэр:
Таны сэтгэгдэл:
Сэтгэгдэлүүд Нийт: 0
Бусад цэс
This text will be replaced
Реклам, сурталчилгаа
РЕКЛАМ СУРТАЛЧИЛГАА
240 x 250px
2008-2015 © Будда.мн, Хөгжүүлэгч DzCMS